Op Maandag is my kort vakansie weer verby en ek moet teruggaan werk toe. Die heerlike dae, waarop mens kan doen wat mens wil is verby. Dan lui die alarm weer elke oggend om mens te herinner dat jy nie weer kan omdraai nie, maar moet opstaan en gereed moet maak om te gaan werk.
In 'n anekdote word 'n man by 'n voorstellingsgesprek gevra: “Watter soort van perspektiewe het jy by die werk?” - “Naweke en vrye tyd” - “Ons bedoel lang termyn” - “Die vakansie”.
Hoeveel van ons lewe slegs met die vooruitsig van die naweek of vakansie? - Wanneer ons kan lewe sonder om deur 'n baas of onderwyser voorgesê te word wat ons moet doen? So is die lewe baie kort. Die paar vry dae per jaar, in teenstelling met die ander dae, gee ons nie veel vrye tyd nie.
Vandag se Bybelvers sien dit heeltemal anders. “Dit is die dag wat die HERE gemaak het!” Elke dag, ongeag van wat ons doen, is 'n dag wat God ons geskenk het. As ons die meeste dae uitsluit, verwerp ons die gawe van God. Ons moet ook uitsien na werk of skool!
In 'n preek hoor ek eendag die volgende sinne:
Jubel as jy 'n kaartjie kry terwyl jy bestuur – dit beteken jy kan 'n motor bekostig!
Jubel as jy 'n groot berg strykwerk het – dit beteken jy het genoeg om aan te trek!
Jubel as jy 'n nuwe yskas benodig – dit beteken jy het baie vars kos om te eet!
Jubel as jy moet gaan werk – dit beteken jy kry geld...
Hierdie lys is eindloos. Baie van dit wat op die eerste oogopslag negatief lyk, het ook sy positiewe sy. Baie van dit wat ons vies maak, het aan die ander kant meesal ook rede om dankbaar te wees en te jubel!
Sien die lewe eenkeer deur hierdie bril en jou lewe sal baie voller word en jy sal meer van hierdie geskenkte tyd hê!
Waarvoor kan jy vandag dankie sê?
Ek wens jou 'n geseënde en dankbare dag.